Wikileaks premton publikimin e dokumenteve për presidencialet në SHBA

Portali Wikilekas ka premtuar se do të publikojë material të rëndësishëm mbi zgjedhjet presidenciale të SHBA-së, para zhvillimit të tyre më 8 nëntor. Njoftimi bëhet nga vetë themeluesi i organizatës Julian Assange, i cili sot mori pjesë në një video-konferencë për shtyp në Berlin, dedikuar 10 vjetorit të Wikileaks.

Sipas Assange dokumentet që do të publikohen shqetësojnë qeveritë e tre vendeve. “Përsa i përket publikimeve të tjera…. shpresojmë të publikojmë diçka çdo javë gjatë 10 javëve të ardhshme”, tha ai.

Themeluesi i Wikileaks tha se “ka shumë qasje interesante” në dokumente mbi presidencialet në SHBA. Nga ana tjetër theksoi se nuk do të “shkatërrojë” fushatën e kandidates demokrate Hillary Clinton dhe pohoi se ishte keqinterpretuar, raportin Daily Mail, shkruan Dita.

Njëkohësisht Assange i cilësoi absurde deklaratat e SHBA-së mbi gjoja lidhjen mes Wikileaks dhe Rusisë.

Assange tha se dokumentet e publikuara në këto 10 vite dhe ato që do të publikohen tregojnë shumë ashtu siç tregojnë shumë edhe reagimet e qeverisë/shtetit ndaj këtyre publikimeve.