Kosova

Hyseni kërkon ndihmën e Zvicrës për anëtarësimin në INTERPOL

Ministri i Punëve të Brendshme i Republikës së Kosovës, Skender Hyseni, ka pritur sot në takim njohës ambasadorin e ri të Zvicrës, Jean-Hubert Lebet, të cilit i kërkoi mbështetjen e Republikës së Zvicrës në anëtarësimin e Kosovës në INTERPOL.

 Gjatë këtij takimi, ministri Hyseni ka njoftuar ambasadorin Lebet për progresin që është bërë në Kosovë, si dhe për punën që po bënë MPB, në forcimin e rendit dhe ligjit në Kosovë.

Sipas një komunikate të MPB-së, Hyseni veçoi angazhimin e përbashkët të dyja vendeve sa i përket bashkëpunimit në luftimin e krimit të organizuar në përgjithësi dhe në veçanti në veprimet konkrete që janë bërë në parandalimin e migrimit të pa rregullt dhe fushave me interes të përbashkët.

Ndërsa, ambasadori i ri i Zvicrës, Jean-Hubert Lebet, theksoi se shteti i Zvicrës do të vazhdojë të përkrahë Republikën e Kosovës në të gjitha fushat. Ai tha se bashkëpunimi i mirë mes dy vendeve do të vazhdojë edhe në të ardhmen.

Ministri Hyseni kërkoi mbështetjen e Republikës së Zvicrës në anëtarësimin e Kosovës në INTERPOL.

Related Articles

Leave a Reply

Your email address will not be published. Required fields are marked *

Back to top button