“Çmimet Grammy”, Beyonce siguron 9 nominime
Beyonce ka arritur të rrëmbejë 9 nominime për Çmimet Grammy të vitit 2017, duke u bërë kështu femra më e nominuar në historinë e këtyre çmimeve prestigjioze.
Ylli i muzikës kandidon për çmimin kryesor, albumin e vitit, për albumin e saj ambicioz “Lemonade”, ku preken çështjet e racizmit dhe identitetit femëror. Ndërkohë, kënga e saj “Formation” është pretendente gjithashtu për “këngën e vitit” dhe “regjistrimin e vitit”.
Në të treja këto kategori, ajo do të vihet përballë Adele, e cila ka mundur të dalë fituese e të treja çmimeve të kësaj ceremonie në vitin 2012.
Beyonce numëron tashmë 62 kandidime për “Grammy”, falë punës së saj si artiste e vetme, por edhe si pjesë e grupit “Destiny’s Child”, duke u bërë kështu artistja e katërt më e nominuar në histori.
Ajo ka fituar deri tani 20 trofe, megjithatë ende nuk ka ngritur atë të “albumit të vitit”, pasi në vitin 2015 u mposht nga Beck, më shumë për neverinë që shkaktoi Kanye West, i cili u ngjit në skenë në shenjë proteste.
Megjithatë sot, Kanye West ka siguruar 8 nominime për këtë vit, falë albumit “The Life of Pablo”, të gjitha në kategoritë e muzikës “Rap”.
Drake dhe Rihanna kanë siguruar gjithashtu nga 8 nominime secili, përfshi 3 për hitin e përbashkët të tyre “Work”.
Por, ai që do të bëjë historinë e “Grammy” për këtë vit është muzikanti i lindur në Chicago, Chance The Rapper, albumi “Coloring Book” i të cilit është i pari regjistrim vetëm për “streaming” që do të njihet nga Akademia e Regjistrimeve. Ai ka marrë 7 nominime, përfshi atë të “artistit të ri më të mirë”, edhe pse nuk ka publikuar asnjë album fizikisht apo dixhital për t’u shkarkuar.
Ja nominimet kryesore:
Albumi i vitit
Adele – 25
Beyonce – Lemonade
Justin Bieber – Purpose
Drake – Views
Sturgill Simpson – A Sailor’s Guide To Earth
Regjistrimi i vitit
Adele – Hello
Beyonce – Formation
Lukas Graham – 7 Years
Rihanna ft Drake – Work
Twenty One Pilots – Stressed Out
Kënga e vitit
Adele – Hello
Beyonce – Formation
Justin Bieber – Love Yourself
Lukas Graham – 7 Years
Mike Posner – I Took A Pill In Ibiza
Artisti i ri më i mirë
Kelsea Ballerini
The Chainsmokers
Chance The Rapper
Maren Morris
Anderson .Paak
Albumi më i mirë Alternativ
David Bowie – Blackstar
PJ Harvey – The Hope Six Demolition Project
Bon Iver – 22, A Million
Iggy Pop – Post Pop Depression
Radiohead – A Moon Shaped Pool
Albumi më i mirë Pop
Adele – 25
Justin Bieber – Purpose
Ariana Grande – Dangerous Woman
Demi Lovato – Confident
Sia – This Is Acting
Albumi më i mirë Rap
Chance The Rapper – Coloring Book
De La Soul – And The Anonymous Nobody
DJ Khaled – Major Key
Drake – Views
Schoolboy Q – Blank Face LP
Kanye West – The Life Of Pablo.
