Home / Rajoni / Maqedonia / Bëhen përgatitje për fillimin e punës së “TEC Osllomej”

Bëhen përgatitje për fillimin e punës së “TEC Osllomej”

Janë në rrjedhë përgatitjet për fillimin e punës së fabrikës “TEC Osllomej”. Për lëshimin fillestar të bllokut shfrytëzohen dy kazanë ndihmës për prodhimin e avullit deri te prodhimtaria e avullit nga kazani kryesor, kumtoi sot SHA Centralet e Maqedonisë, Filiali KRE “Osllomej” në Kërçovë, përcjell Telegrafi Maqedoni.

Për fillimi të kazanëve ndihmës të “TEC Osllomej”, nga kompania sqarojnë se nevojitet naftë, me të cilën ngrohet uji në kazanë për pordhim të avullit. Ky avull, e nxeh mazutin deri në arritjen e temperaturës së nevojshme dhe pastaj kazanët e avullit punojnë në mazut dhe prodhojnë avull për operacione të lëshimit të bllokut.

“Sapo të krijohen kushte për ndezje të bllokut, ndozen kazanët e mazutit me kapacitete prej 1,5 ton në orë, individualisht, për ngrohjen e kazanit, krijimin e avullit dhe arritjen e parametrave. Kazani është i pajisur me gjashtë djegës të mazutit të cilët punojnë me kapacitet të plotë prej 6-8 orë për ngrohjen e kazanit. Pas kësaj që të arrihet presioni i nevojshëm në kazan përfshihen mullinjtë një nga një, ndërsa pastaj duhet të ndalen djegësit e mazutit një nga një”, thuhet mes tjerash në kumtesën e “TEC Osllomej” të lëshuar për mediat.

Leave a Reply

%d bloggers like this: