Politika

Jehona e vizitës së Gabriel

Minimi i shtetit ligjor në Shqipëri nuk është në interesin e BE-së. Me këtë fjali e përmbledh “Deutsche Welle” mesazhin e përcjellë prej ministrit të Jashtëm gjerman, Sigmar Gabriel, në Tiranë.

Ndalesa e tij në Shqipëri erdhi në një moment kur kriza politike është shumëplanëshe, kur Reforma në Drejtësi është e penguar dhe kur zgjedhja e Presidentit të Republikës e zgjedhjet e përgjithshme janë ende të pasigurta në realizimin e tyre.

Kjo ishte edhe arsyeja përse në qëndrimin e tij disaorësh, shefi i diplomacisë gjermane preferoi të ishte sa më i drejtpërdrejtë, duke dhënë vlerësimet e Berlinit zyrtar për atë që po ndodh në vend.

“Mbi bazën e Kushtetutës dhe ligjeve të zbatohet Reforma në Drejtësi. Kush nuk e bën këtë, e largon Shqipërinë nga rruga e BE-së. Është absurde që deputetët e zgjedhur refuzojnë të bëjnë punën e tyre në Parlament. Është e paimagjinueshme që opozita përpiqet të ndryshojë gjendjen, jo përmes zgjedhjeve, por përmes bojkotit”, citohet të ketë thënë Gabriel.

“Ministri i Jashtëm gjerman i bën thirrje opozitës shqiptare t’i japë fund bojkotit parlamentar, të mos bllokojë Reformën në Drejtësi e të marrë pjesë në zgjedhjet e përgjithshme të qershorit”, shkruan agjencia e lajmeve “Associated Press”.

“Gabriel e artikuloi qartë se, as Gjermania dhe as BE-ja nuk arrijnë dot ta kuptojnë kërkesën e opozitës për qeveri teknike, vetëm pak javë përpara votimeve të 18 qershorit. Ai e cilësoi krejtësisht absurd bllokimin e rrugës, e tha se ligjvënësit opozitarë duhet të përpiqen t’i implementojnë ndryshimet në Parlament”, vazhdon shkrimi i agjencisë prestigjioze të lajmeve, i përcjellë edhe nga “Washington Post”, “New York Times”, “Fox News” e “ABC News International”.

“Zbatoni vettingun, jepini fund bojkotit parlamentar”, është titulli i lajmit të “Europeanwesternbalkans” kushtuar vizitës së kryediplomatit gjerman.

“Reformat duhen implementuar”, ishte deklarata e qartë e tij, sepse ndaj kësaj nuk ka alternativë tjetër. Fundin e bojkotit të opozitës e kërkoi edhe ministri i Jashtëm holandez, Bert Koenders, sqaron “Associted Press”, i cili kujtoi se vettingu, Reforma në Drejtësi kanë një rëndësi kyçe në të gjithë procesin e integrimit në strukturat europiane dhe se ka një urgjencë në zbatimin e tyre.

Related Articles

Comente

  1. Kriza shqipetare e ka emerin Kriza e hajduterise shqipetare.Nuk jane te rastit qe propozimet per president te shqiperise jane hajdutet Ilir Meta dhe Fatos Nano.Te sillet NATO ne Tirane urgjentisht dhe te behet pastrimi i hajduterise.

  2. Rama.Nuk eshte nacionalizmi fatekeqesia e Ballkanit.Plehrat e hajduterise shqipetare ne Tirane,ne Prishtine,ne Shkup dhe Ulqin jane fatekeqesia e Ballkanit,fatekeqesia e Europes dhe fatekeqesia e Botes.NATO te pastroje hajduterine shqipetare.

Leave a Reply

Your email address will not be published. Required fields are marked *

Back to top button