Ekonomia

ALUIZNI shkrin degën e Beratit një ditë pas shkarkimit të drejtorit

Vetëm një ditë pasi Kryeministri Edi Rama shkarkoi drejtorin e ALUIZNI-it të Beratit, pas një dëgjese publike, ku një e moshuar shprehu problemin e saj se nuk kishte marrë legalizimin prej pesë vitesh, Artan Lame, mesditën e së mërkurës, vendosi shkrirjen e të gjithë degës së Beratit.

Në një takim që ka zhvilluar me punonjësit në këtë qytet, Lame është shprehur se të 15 punonjësit aktual do të largohen nga detyra si dhe u ka bërë thirrje të gjithë inxhinierëve të rinj që të paraqesin aplikimet e tyre për t’u bërë pjesë e drejtorisë së re.

Drejtori i ALUIZNI-t u shpreh se dega e Beratit ka nevojë për një ristrukturim tërësor në mënyrë që askush të mos punojë më për veten e tij, por t’i shërbejnë me korrektesë qytetarëve.

Related Articles

Leave a Reply

Your email address will not be published. Required fields are marked *

Back to top button