10 fotografitë e martesave që kanë bërë histori
Romantike, intime dhe popullore, kështu mund të cilësohen dhjetë ceremonitë e martesave fotografitë e të cilave i gjeni bashkëngjitur, të cilat janë cilësuar si ndër më të famshmet në histori.
Nat King Cole dhe Maria Hawkins Ellington, 1948. Këngëtari u martua me muzikanten vetëm 6 ditë pas divorcit nga gruaja e parë Nadine. Çifti solli në jetë pesë fëmijë, ndonëse disa vite më vonë Maria e la Nat, e lodhur nga tradhtitë e shumta të tij.
Elizabeth Taylor dhe Conrad Hilton, 1950. Martesa e parë e Liz ka qenë me gjyshin e Paris Hilton. Martesa e tyre zgjati vetëm nëntë muaj.
Brigitte Bardot dhe Roger Vadim, 1952. Brigitte ishte vetëm 18 vjeç dhe i kishte ende flokët e errëta. Ajo e bëri për vete regjisorin qysh kur ishte 15 vjeç. Prindërit e saj nuk ishin dakord, por Roger e shndërroi në një divë të vërtetë.
Jacqueline Bouvier dhe John F. Kennedy, 1953. 50 metra vello dhe dy muaj punë për realizimi ne fustanit të dizenjuar nga Ann Lowe.
Grace Kelly dhe Princi Ranieri i Monaco, 1956. Grace iu drejtua stilistes së MGM, Helen Rose për realizimin e fustanit të saj, një alternim mes tylit dhe satenit.
Jane Fonda dhe Roger Vadim, 1965. Aktorja e famshme u martua e veshur me minifund dhe çizme.
Mia Farrow dhe Frank Sinatra, 1966. Nusja ishte vetëm 21 vjeç, ndërsa ai 50 vjeç. Kushti i vënë nga Frank ishte që Mia të mos aktronte më, por përballë propozimit për filmin “Rosemary’s Baby” Mia pranoi dhe ata u ndanë. Gjithsesi mbetën miq të mirë.
Priscilla Beaulieu dhe Elvis Presley, 1967. Ata u lidhën që kur Priscilla ishte vetëm 15 vjeç, ndërsa u martuan në një ceremoni të ngushtë në Las Vegas. Nusja asokohe 22 vjeç, e kishte bërë vetë fustanin e nusërisë.
Mick dhe Bianca Jagger, 1971. Bianca ishte shtatzënë me vajzën Jade, por pavarësisht kësaj nuk hoqi dorë nga veshja e kostumit të ngushtë të bardhë të Yves Saint Laurent. Martesa përfundoi shtatë vite më vonë kur Bianca zbuloi Mick me modelen Jerry Hall, e cila më pas u bë gruaja e tij. Lidhur me divorcin Bianca deklaroi, “Martesa jonë përfundoi ditën e dasmës”.
Diana dhe Princi Carlo, 1981. Fustani u dizenjua nga David dhe Elizabeth Emanuel, ndërsa kishte një vello 25 metra të gjatë. Por përralla mes tyre zgjati pak, pasi çifti u përfshi nga kriza.
