10-mujori: Të ardhurat nga TVSH-ja llogariten 103.425 milionë lekë

Të ardhurat e mbledhura nga Tatimi mbi Vlerën e Shtuar (TVSH -ja) në buxhet gjatë dhjetëmujorit të parë të këtij viti janë 103.425 milionë lekë ose 17.169 milionë lekë më shumë se në të njëjtën periudhë të një viti më parë.

Sipas të dhënave paraprake të publikuara nga ministria e Financave, TVSH e arkëtuar llogaritet 109.169 milionë lekë, ndërsa TVSH e rimbursuar llogaritet 5.744 milionë lekë.

Ndërkaq, të ardhurat në tatimi mbi Vlerën e Shtuar gjatë vitit 2015 llogariten 135,254 milionë lekë, ose 9.1 % e Prodhimit të Brendshëm Bruto. Tatimi mbi Vlerën e Shtuar është taksa që mban pehsën kryesore në volumin e të ardhurave në buxhet. Tatimi mbi Vlerën e Shtuar (TVSH) zbatohet ndaj mallrave dhe shërbimeve brenda territorit të Shqipërisë.