110-vjetori i Pavarësisë, nis mbledhja e përbashkët e parlamenteve Shqipëri-Kosovë

Në ambientet e Kuvendit të Shqipërisë ka nisur mbledhja e përbashkët me Kuvendin e Kosovës me himnet e të dy vendeve.

Kjo është mbledhja e parë që mbahet mes dy parlamenteve në kuadër të 110-vjetorit të Pavarësisë.

Kryeministri i Kosovës Albin Kurti është ulur krah kryeministrit Rama, në vendin e zakonshëm të kryeministrit, ndërsa Konjufca pranë Nikollës.

Delegacioni i Kosovës me në krye kryeministrin Albin Kurti është pritur me këngë e valle tradicionale shqiptare nga kryeministri Edi Rama dhe kryeparlamentarja Lindita Nikolla.

Para mbledhjes së përbashkët të deputetëve nga Shqipëria dhe Kosova, në hyrje të Kuvendit të Shqipërisë është prezantuar një ekspozitë për shënimin e 110-vjetorit të pavarësisë së Kosovës.