200 të zhdukur pas mbytjes së dy anijeve në Mesdhe

Më shumë se 200 imigrantë rezultojnë të zhdukur pas mbytjes së dy anijeve në brigjet e Libisë, sipas nëntë të mbijetuarve të shpëtuar nga rojat bregdetare italiane, njoftuan sot disa organizata ndërkombëtare.

Nëntë të mbijetuarit, që flisnin frëngjisht dhe që mendohet të jenë me origjinë nga Afrika Perëndimore, mbërritën sot në mëngjes në ishullin italian të Lampedusas.

Sipas informacioneve të para të marra nga Organizata Ndërkombëtare për imigracionin, ata janë nisur të shtunën nga një plazh libian, në bordin e dy gomoneve, e ngarkuar secila me më shumë se 100 persona, që mendohet të jenë mbytur të hënën.

Në të njëjtën zonë, rojat bregdetare shpëtuan të dielën një anije tjetër të nisur nga Libia dhe të ngarkuar me 100 imigrantë