97 të vdekur dhe të paktën 270 të plagosur nga tërmeti në Indonezi

Ka shkuar në 97 persona numri i viktimave qe kanë humbur jetën nga tërmeti i fuqishëm në Indonezi. Mediat ndërkombëtare shkruajnë se tërmeti që goditi sot provincën indoneziane të Acehut, ka lënë gjithashtu qindra të plagosur pas një sipas një bilanci të ri.

“Ne kemi 97 të vdekur, 73 të plagosur rëndë dhe 200 të tjerë me plagë të lehta”, deklaroi drejtori i Agjencisë Kombëtare të Katastrofave, Sutopo Purwo Nugroho, për gazetarët.

“Ky numër pritet të rritet duke pasur parasysh dëmet e mëdha që janë shkaktuar”, shtoi ai.

Sipas një bilanci paraprak bëhej fjalë për 97 të vdekur.

Një tërmet me magnitudë 6,5 ballë të shkallës Rihter u regjistrua sot në mëngjes në distriktin e Pidie Jaya, në perëndim të Indonezisë, në një kohë që banorët e këtij rajoni me shumicë mylismane po përgatiteshin për faljen e mëngjesin.