🌤️
Tiranë 18°C · Kryesisht kthjellët 20 Nëntor 2026
S&P 500 7,176 ▼2.02%
DOW 49,097 ▼2.19%
NASDAQ 23,879 ▼2.25%
NAFTA 82.38 ▼0.07%
ARI 3,559 ▼3.42%
💱 VALUTAT
EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727 EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727
₿ CRYPTO
BTC $61,926 ▼ -3.27% ETH $1,754 ▼ -3.24% XRP $0.9487 ▼ -4.51% SOL $71.3800 ▼ -5.04%
S&P 500 7,176 ▼2.02 % DOW 49,097 ▼2.19 % NASDAQ 23,879 ▼2.25 % NAFTA 82.38 ▼0.07 % ARI 3,559 ▼3.42 % S&P 500 7,176 ▼2.02 % DOW 49,097 ▼2.19 % NASDAQ 23,879 ▼2.25 % NAFTA 82.38 ▼0.07 % ARI 3,559 ▼3.42 %
EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727 EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727
20 Nën 2026
Breaking
Sporti

Abissnet Superiore: Karoglan: Vllaznia agresive, Partizani ka nevojë për tifozët

Para sfidës me Vllazninë, e vlefshme për javën e 12-të të Abissnet Superiore, që transmetohet në RTSH, trajneri Mislav Karoglan theksoi në konferencë shtypi se Partizani duhet të vazhdojë me fitoret për t’u larguar nga pozicioni ku ndodhet në renditje.

Trajneri i të kuqve vlerësoi shkodranët si një skuadër agresive, ndërkohë që u bën thirrje tifozëve ta mbështesin Partizanin në “Air Albania”.

Sa ju ka shërbyer pauza e kampionatit dhe gjendja e lojtarëve?

Jemi përpjekur t’u japim minuta në stërvitje Prekës, Aliut dhe Mijas. Po ashtu, edhe Skuka është drejt përmirësimit. Buxhelaj nuk ka mundur të stërvitet, Dumbia është i pezulluar, ndërsa Spahiu ka pasur disa shqetësime të lehta. Por shumë pozitive për ne është që lojtarët me probleme, edhe pse jo në 100% e tyre, janë bashkuar në stërvitje disa në fushë dhe disa në pankinë. Tashmë do të shohim kush do të jetë gati për të luajtur një pjesë loje.

Sa kanë ndikuar në aspeketin psikologjik të skuadrës dy fitoret fundit?

Kanë qenë dy fitore shumë të rëndësishme, por në të njëjtën kohë ne vazhdojmë të gjendemi në të njëjtat pozita në vendin e fundit. Mendoj se gjëja më e rëndësishme është të largohemi sa më shpejt nga ky pozicion dhe gjithmonë ndeshja e radhës mbetet më e rëndësishmja.

Përballja ndaj Vllaznisë?

Vllaznia është një skuadër shumë e mirë, mjaft agresive. Ata vijnë pasi kanë fituar ndaj Dinamos, Tiranës, Elbasanit. E kam thënë që në këtë kampionat nuk ndeshje të lehta. E kemi analizuar mjaft mire, kanë ndryshuar me ardhjen e trajnerit të ri, por mendoj se jemi gati. Kemi punuar mjaft mirë përgjatë këtyre 10 ditëve dhe tashmë të shohim përpara se ku jemi.

Partizani rikthehet të luajë në stadiumin “Air Albania”. Keni një mesazh për tifozët?

Kam dëgjuar vërtet shumë gjëra të mira për tifozerinë e Partizanit, historikisht janë një tifozeri e mrekullueshme. Në këto momente ne kemi shumë nevojë për ata, nuk flas për veten time, por për Partizanin për atë çfarë ky klub përfaqëson. Gjithmonë e them se pas dhimbjes e vuajtjeve vjen diçka e mirë dhe mendoj se tashmë na duhet mbështetja e tyre.

Ngjeshja e ndeshjeve dhe objektivat deri në fund të vitit?

Mendoj vetëm ndeshjen e radhës dhe po përpiqem të fitoj ndeshjen e radhës. Ajo që është më e mira duhet të jemi mjaft realistë. Të rikthejmë mentalitenin dhe energjinë pozitive skuadrës ky është objektivi i parë. Objektivi i dytë është të përmirësohemi në lojë sepse në këtë moment nuk jam i kënaqur.

Ende nuk ka komente. Bëhuni i pari që komenton.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.