AIDA prezanton Rrjetin Europian të Ndërmarrjeve, instrument i BE-së në mbështetje të SME-ve

Agjencia Shqiptare e Zhvillimit të Investimeve (AIDA) prezanton këtë javë në Tiranë instrumentin në strategjinë e Bashkimit Europian, ‘Rrjeti Europian i Ndërmarrjeve’, projektuar për të nxitur konkurrencën e Ndërmarrjeve të Vogla e të Mesme.

Rrjeti Evropian i Ndërmarrjeve është një instrument i rëndësishëm në strategjinë e BE-së, i cili sjell së bashku rreth 600 organizatave mbështetëse të biznesit nga më shumë se 60 vende të botës, me qëllim mbështetjen e ndërmarrjeve të vogla dhe të mesme mbi mundësitë e të bërit biznesit në tregun unik të BE-së.

Rrjeti është bashkë financuar nga programi “COSME” i BE-së, i projektuar për të nxitur konkurrencën e ndërmarrjeve evropiane. Shërbimet e tij janë të përshtatura për NVM-të, por gjithashtu janë në dispozicion për të gjithë bizneset, universitetet dhe qendrat kërkimore.

Sipas AUDA-s, pjesëmarrja në këtë event konsiderohet si shumë me e rëndësishme për kompanitë shqiptare të cilat synojnë gjetjen e partnerëve të mundshëm për të bërë biznes në tregjet e Europës dhe më gjerë.

Ky është Rrjeti më i madh në botë që lidh biznesin europian dhe asiston kompanitë të përmirësohen duke kryer partneritete, shkëmbim informacioni, këshillim dhe ekspertizë.