Aksident në zonën e Plazhit të Vjetër në Vlorë, makina përplas një këmbësor

Një aksident rrugor është regjistruar në zonën e Plazhit të Vjetër në Vlorë mbrëmjen e së mërkurës, ku një automjet ka përplasur një këmbësor në një nga rrugët e zonës.

Menjëherë pas ngjarjes, në vendngjarje kanë mbërritur shërbimet e emergjencës, të cilat kanë transportuar të plagosurin me urgjencë drejt spitalit për ndihmë mjekësore.

Policia ndodhet në vendin e ngjarjes dhe po punon për zbardhjen e rrethanave të aksidentit. Gjendja shëndetësore e këmbësorit nuk bëhet ende e ditur.