Al-Kaeda dhe ISIS ishin aleatët më të mëdhenj, tani duan të “zhdukin” njëra-tjetrën

Shteti Islam, një lëvizje që ka shpall Kalifatin, deri kohët e fundit, ishte një degë e Al-Kaedës, por pasi Bin Ladeni e mohoi për arsye se ajo ishte tepër ekstreme, ISIS ka filluar të mbledh aleatë për konfliktin e fundit.

Pasi që organizata terroriste Shteti Islam (IS) shpalli Kalifatin dhe ftoi të gjithë myslimanët e botës për ta pranuar si lider Abu Bakar al-Baghdadin, sipas kalifit Ibrahim, ekspertët nga e gjithë bota janë pajtuar që kjo mund të shkaktojë një konflikt në mes të militantëve islamikë.

Nuk ka marrë shumë kohë që të dëshmohet se këto vlerësime ishin të sakta.

Para daljes publikisht të IS-it, Al-Kaeda, organizata më e famshme terroriste dhe me më ndikim në botë, kishte hequr dorë nga IS-i, transmeton Telegrafi.

Sipas dokumenteve që supozohet se janë gjetur në shtëpinë ku ishte fshehur udhëheqësi i Al-Kaedës, Osama bin Laden, e ka konsideruar ISIS-in si një prej grupeve më brutale dhe jashtë “standardit” të tyre.

Bin Laden në vitin 2011, thuhet se i shkroi Al-Kaidës, në mënyrë që të mos humbasin mbështetjen e përkrahësve, duhet të heqin dorë publikisht nga IS-i.