Alarm për bombë në një aeroport rus!

Aeroporti Vnukovo në Moskë u evakuua pas një thirrje anonime për bombë, raporton “Russia Today”.

Siç kanë thënë burimet policore, ata kanë pranuar dy thirrje telefonike, transmeton Telegrafi.

Aeroporti Ndërkombëtar “Vnukovo” është i vendosur 27 kilometra në jugperëndim të qytetit të Moskës dhe 11 km nga fillimi i të ashtuquajturit “Moska Ring” (autostradë që rrethon tërë Moskën).

Është aeroporti i tretë me numrin e udhëtarëve në Rusi, por me tendencën që të bëhet numër një në Evropë.

Deri tani nuk janë dhënë më shumë detaje rreth kësaj ngjarje.