Albano Carrisi më 17 shtator në Tiranë, koncert për shenjtoren Nënë Tereza

Fondacioni “Nermin Vlora Falaschi” në bashkëpunim me Shoqatën Kulturore “Al Bano Carrisi”, më 17 shtator me rastin e Shenjtërimit të Nënë Terezës ka organizaur koncertin me Al Bano Carrisin, 2 orë në Sheshin “Nënë Tereza”.

Ky koncert shënon edhe 27 vjetorin e koncertit të parë që ka dhënë në Shqipëri çifti i këngëtarëve Al Bano e Romina Power. Po në këtë ditë, këngëtari do të marrë nënshtetësinë shqiptare, çelësin e kryeqytetit dhe do të shpallet “Personalitet i shquar i Qarkut të Vlorës”.

Për koncertin, drejtuesit e shoqatës bëjnë me dije se kanë siguruar bashkëpunimin me Bashkinë e Tiranës, ndërsa shoqatat po bëjnë përpjekje të mundësojnë të ardhurat për udhëtimin e tij. Organizatorët njoftojnë se do të çelin edhe nje ekspozitë në nderim të këngëtarit, me rastin e Shenjtërimit të Nënë Terezës.

“Albano ka lidhje te ngushta me bamirësen shqiptare. Nënë Tereza i ka bekuar vajzën Kristel pas lindjes, këngëtari ka marrë medaljen e Nënë Terezës, që e mban gjithmonë me vete, emri tij, simbolizon Shqipërinë dhe merr nënshtetesinë shqiptare”,  pohon gazetarja Zenepe Luka.