Angeline Jolie, martesa dhe premtimi ndaj fëmijëve

Në muajin gusht me një lëvizje surprizë dhe në një ceremoni krejtësisht private, Angeline Jolie dhe Brad Pitt u martuan edhe zyrtarisht, pasi viteve të tëra në krah të njëri-tjetrit.

Së fundmi aktorja rrëfen për ndjesinë e martesës. “Është ndryshe. Të jesh burrë e grua është ndryshe””, thotë ajo duke rrëfyer më pas edhe një një detaj të vogël nga premtimi që si ajo ashtu edhe Brad i kanë bërë fëmijëve të tyre.

“Nuk prisnin nga ne që të mos ziheshim asnjëherë, por na detyruan që të premtonim që gjithmonë pas një zënke të kërkonim falje dhe ne e bëmë. U premtuam!”, rrëfen aktorja.

Përveç karrierës së pasur si aktore, Angeline është e njohur edhe për aktivitetet e shumta bamirëse dhe si një Ambasadore e Dëshirës së Mirë e Kombeve të Bashkuara ndoshta në mënyrë të pavullnetëshme është e përfshirë në politikë. Pyetjes nëse në të ardhmen mund të ketë një angazhim politik të saj aktorja iu përgjigj; “Po. Përse jo?!”