ARRSH- Rruga Tiranë-Elbasan do të vijojë të qëndrojë e mbyllur

Rruga Tiranë-Elbasan do të vijojë të qëndrojë e mbyllur pas reshjeve të shumta në dy ditët e fundit.

Sipas Autoritetit Rrugor Shqiptar, bllokimi i aksit rrugor Tiranë-Elbasan erdhi si pasojë e reshjeve të shiut, që sipas ARRSH, mund të krijojnë probleme sa i përket rrëshqitjes së dherave, çka do të vinte në rrezik sigurinë e qytetarëve.

“Situata është e qëndrueshme. Nga monitorimi nuk është verifikuar ndonjë rrëshqitje tjetër. Përsa i përket zgjidhjes definitive, jemi pothuajse në përfundim të raportit përfundimtar”, bënë të ditur burime nga ARRSH-ja. Sipas ARRSH-së, qytetarët duhet të përdorin aksin Tiranë-Rrogozhinë.