Atletico nis bisedimet për Kagawan

Atletico Madridi është duke negociuar me Manchester Unitedin për shërbimet e Shinji Kagawas.

Mesfushori japonez është njëri nga futbollistët që do të largohen nga Old Traffordi këtë verë dhe disa klube interesohen për të.

Daily Express raporton se kampioni i Spanjës ka kërkuar informacion nga Djajtë e Kuq rreth disponueshmërisë së 25-vjeçarit.

Diego Simeone pritet të ofrojë rreth 14 milionë funte për transferimin e Kagawas.