Avakov: Kievi nuk do të lejojë asnjë karvan humanitar të Putinit

Ukraina nuk do të lejojë të hyjë në territorin e saj asnjë “karvan huminatar” të Vladimir Putin në destinacion të rajoneve të lindjes të shkatërruara nga konflikt, deklaroi sot ministri ukrainas i Punëve të Brendshme, Arsen Avakov.

“Asnjë ‘karvan humanitar’ i Putinit nuk do të kalojë rajonin e Kharkiv (që ndodhet në verilindje të vendit e kontrolluar nga qeveria e Kievit dhe i përmendur nga Moska si pika e hyrjes në territorin ukrainas, shën. i përkth.)”, theksoi Avakov.

“Një provokim i tillë cinik i agresorit në territorin tonë është i papranueshëm”, shkruan ai në llogainë e tij në “Facebook”.

Kryeministri Arseni Jaceniuk theksoi nga ana e tij gjatë këshillit të ministrave se Ukraina mund të pranojë ndihma vetëm në kuardin e të drejtës ndërkombëtare dhe ekskluzivisht nga Kryqi i Kuq.

Karvani i gjatë më shumë se tre kilometra i përbër nga gati 300 kamionë pritet të mbërrijë sot në mbrëmje në pikën kufitare Chebekino-Pletnevka, mes rajonit Belgorod (jug i Rusisë) dhe atij të Kharkiv (verilindje e Ukrainës)./