Banorët e fshatit Grecalli hidhen në protestë: Komuna po abuzon me tokat që preken nga projekti TAP

Banorët e fshatit Grecalli të komunës Qendër janë hedhur në protestë. Shkak janë bërë sipërfaqet e tokave që do të preken nga ndërtimi i projektit TAP.

Protestuesit kanë lëshuar akuza kundrejt komunës, ndërsa kanë deklaruar se ky institucion po abuzon me pronat e tyre. Banorët kanë theksuar se komuna i ka dhënë tokat një tjetër personi.

“Komuna i dha tokat tona një tjetër personi. Nëse s’ndërhyhet, përcaktojmë vetë fatin e pronave tona”, deklaruan banorët.