Basha: 70 vjet më parë regjimi i Hoxhës pushkatoi deputetët e vetëm opozitarë

Kryetari i PD, Lulzim Basha, duke folur në Kuvend në seancën përkujtimore të 70-vjetorit të vrasjes së deputetëve nga diktatura tha se: 70 vjet më parë, regjimi barbar i Enver Hoxhës pushkatoi grupin e fundit të deputetëve opozitarë që kishin mbetur në këtë sallë. I vrau sepse mendonin ndryshe dhe nuk u pajtuan me vdekjen e pluralizmit. Grupi i deputetëve dhe me dhejtra bashkëbvuajtës të tyre ishin ata që nuk iu bashkuan klikës së dhunshme komuniste. Para tyre ishin burgosur dhe dhunuar elitë: inxhinjerë, profesionistë të shkëlqyer. U dënuan pa gjyq ose me gjyqe farsë. U vranë në emër të popullit me moton “Drejtësia është nder i partisë”. Eliminimi i tyre varrosi çdo lloj lirie politike në Shqipëri dhe çdo lloj desidence. Pas tyre, salla e të ashtuquajturit Kuvendi Popullor u mbush me kriminelë dhe gjakatarë e shërbëtorë të pushtetit personal të Enver Hoxhës””.

Sot, theksoi Basha, “unë ndjehem fajtor, si deputet, politikan, kryetar i PD-se ne kemi lene shumëçka për gati tre dekada për të dënuar komunizmin, për të penguar eksponentë të lartë komuniste dhe autoret e krimeve te komunizimit te mos ndikojne me ne jeten shoqerore të vendit. Une ndjehem i turperuar qe pas 70 vjetesh jam ne nje Kuvend qe drejtohet nga ajo pjes ee asja klike kriminale dhe qeky vend te kete ende ne krye te institucioneve, njerez te mesuar nga Enver Hoxha”.

“Ne duhet të gjejmë dhe të identifikojmë të gjitha eshtrat e viktimave të komunizmit, të nderojmë martirët e pluralizmit shqiptar, të tregojmë krimet e komunizmit dhe historinë tragjike se si një popull i tërë ra në kthetrat e komunizmit, t’u presim rrugën njëherë e mirë drejtuesve të lartë komunistë nga drejtimi i vendit dhe të ndalojmë përdorimin e simboleve komuniste”,  deklaroi Basha.

Ai bëri me dije se, PD do të kërkojë që në buxhetin e vitit të ardhshëm të përfshihet një fond për dokumentimin e historisë së krimeve komuniste. “Historia e dhimbshme e diktaturës nuk duhet të përsëritet kurrë më. Ne duhet ta ndalojmë me çdo kusht e çdo çmim këtë gjë”, tha Basha.