Basha “del” nga çadra, uron nga Elbasani Ditën e Verës

Festës dhe urimeve për “Ditën e Verës’ i është bashkuar dhe kryeopozitari Lulzim Basha, i cili ka dalë nga çadra dhe ka udhëtuar drejt qytetit te Elbasanit.

Gjatë një vizite në panairin që bëhet çdo vit në Elbasan, Basha, i shoqëruar dhe nga bashkëshortja e tij, nuk i kurseu batutat. Në një bashkëbisedim me një tregtar mjalti, kreu i PD-së pyeti: “A pati prodhim sivjet apo hashashi bëri të veten”. E menjëhershme ishte dhe përgjigja e tregtarit i cili iu drejtua duke thënë se: ‘Bleta e zgjedh lulen kur kullot’.

Më herët ai uroi shqiptarët, ndërsa u shpreh optimist për faktin se sipas tij kohë më të mira po vijnë për Shqipërinë.

“Dita e Verës shpresë për mbarë shqiptarët për kohe më të mira që po vijnë”, theksohet në urimin e Bashës.