Basha-Mustafaj: Kosova e ka kornizën ligjore që të sigurojë konsolidimin e demokracisë
Kosova ka të gjithë kornizën ligjore dhe institucionale për të siguruar konsolidimin e demokracise dhe shtetit ligjor dhe përparimin e mëtejshëm në të gjitha fushat e mirëqeverisjes dhe shërbimit ndaj qytetareve, u shpreh Kreu i PD-së, Lulzim Basha në takimin me Kryetarin e LDK, Isa Mustafa.
Basha vlerësoi marrëdhëniet PD-LDK, mes të cilave, bashkëpunimi lindi që herët nën drejtimin e Presidentit Rugova dhe liderit historik të PD, Sali Berisha, por tashmë edhe si parti simotra, anëtare të Partise Popullore Europiane, ku se bashku ngrejne zërin dhe punojnë për interesat e shqiptarëve dhe perspektivën europiane e euroatlantike të kombit tonë.
Pjese e diskutimit ishte edhe bashkëpunimi i mëtejshëm mes dy partive, në kuadrin e forcimit dhe zhvillimit të demokratizimit të tyre, në menyre që t’i sherbejne më mirë interesave të qytetarëve të Shqipërisë dhe Kosovës dhe shqiptarëve kudo që janë.
