”Bashkë për Shqipërinë”, SHBA e BE: Avancimi i saj, çelësi i stabilitetit europian!
Në deklaratë thuhet se BE dhe SHBA mirëpresin një propozim kompromisi që merr parasysh interesat dhe shqetësimet e Maqedonisë së Veriut dhe Bullgarisë “bazuar në respektin, besimin dhe mirëkuptimin reciprok”.
“Vendimi sovran i Kuvendit të Maqedonisë së Veriut do të jetë i rëndësishëm për të ecur përpara. Kjo frymë e kompromisit konstruktiv mbi të cilin është ndërtuar integrimi evropian duhet të vazhdojë të frymëzojë të gjithë ata që janë përfshirë në këtë proces historik”, theksohet më tej.
Bashkimi Evropian dhe Shtetet e Bashkuara shprehen të përkushtuara për bashkëpunim më të ngushtë në Ballkanin Perëndimor, duke i mëshuar idesë se “Sigurimi i stabilitetit dhe prosperitetit dhe realizimi i së ardhmes së tyre evropiane dhe euroatlantike mbetet qëllimi ynë i përbashkët”.
