Bashkia Berat në mbështetje të fermerëve, pas 25 vitesh pastrohen kanalet vaditëse

Dhjetëra fermerë në Bilçë të Beratit, një nga zonat e njohura për prodhimet bujqësore cilësore,  nuk do kenë më probleme me vaditjen e të mbjellave.

Bashkia e Beratit po përfundon investimin për pastrimin e kanalit kryesor me gjatësi rreth 13 km që do i japë përfundimisht zgjidhje problemit të vaditjes dhe kullimit të tokave bujqësore.

Kryebashkiaku i Beratit,Petrit Sinaj tha se investimi kap vlerën e 75 mln lekë të reja dhe që vadit një tokë deri në 350 Ha duke shtuar se është një investim i munguar prej 20 e sa vitesh.

Për fermerët e Bilçës, sistemimi i kanalit, përveçse zgjidh problemi e vaditjes, do u mundësojë edhe kultivimin dy herë të vit të tokës bujqësore.

Sinaj veçoi në komunikim me banorët, programet e ministrisë së Bujqësisë të cilat do të sjellin në fhstrata e Beratit, të tjera investime të mëdha.

Në këtë kuadër, ai u premtoi banorëve të fshatit Bilcë, realizimin e projektit të dytë, atë të furnizimit me ujë të pijshëm nga ujësjellësi i Bogovës.