Beteja për një mandat në Tiranë, pas PDIU dhe PS ankohet në KQZ

Kryetari i Komisionit Qëndror të Zgjedhjeve, Klement Zguri ka deklaruar se nga dita e sotme asnjë subjekt politik nuk mund të bëjë kërkesë për të kontestuar tabelat përmbledhëse të rezultateve të zgjedhjeve të 25 qershorit në të gjithë vendin.

Në një deklaratë për mediat, Klement Zguri sqaroi se 3 parti kanë kontestuar rezultatin e zgjedhjeve.

Ato janë PDIU që konteston tabelat në qarkun e Tiranës, PD që konteston rezultatin në qarkun e Beratit dhe PS që konteston tabelat gjithashtu në qarkun e Tiranës.

“PDIU ka kontestuar tabelën përmbledhëse për qarkun Tiranë. PD ka kontestuar tabelën për qarkun Berat, PS ka kontestuar tabelën përmbledhëse të rezultatit për qarkun Tiranë”, u shpreh kreu i KQZ.

PDIU në Tiranë nuk ka marrë asnjë mandat deputeti, duke mbetur jashtë Kuvenditi kreu i kësaj partie Shpëtim Idrizi. PDIU ka denoncuar dy ditë më parë se janë vjedhur votat e saj. Nga ana tjetër, PS ka marrë 18 deputetë në Tiranë.