Bilanci i sulmit ukrainas ne Shen Petersburg rritet ne 1 te vrare dhe 15 te plagosur, Kremlini paralajmeron pergjigje sistematike

Nje person u vra dhe 15 te tjere u plagosur ne sulmin ukrainas me drone mbi objektet e naftes, logjistiken dhe qendrat e te dhenave ne Shen Petersburg dhe rajonin e Leningradit, sic njofton Reuters ne bilancin e perditesuar te se dieles nga autoritetet lokale.

Guvernatori i Shen Petersburgut, Alexander Beglov, tha se zjarre shperthyen ne terminalin e naftes te Shen Petersburgut, ne nje depo nafte dhe ne magazina industriale; kompania e tregtise elektronike Ozon tha se qendra e saj logjistike ishte ne flake, ndersa kompania e internetit VK tha se qendra e saj e te dhenave ne rajonin e Leningradit u sulmua me drone, por sherbimet mbeten normale per perdoruesit.

Prodhuesi ukrainas i droneve Fire Point tha te dielen se ushtria ukrainase goditi qendren e te dhenave te VK-se prane Shen Petersburgut, ndersa Ministria ruse e Mbrojtjes tha se njesite e mbrojtjes ajrore rrezuan 1015 drone ukrainas gjate nates mbi rajonet ruse.

Kremlini reagoi permes zedhenesit Dmitry Peskov, i cili tha per agjencine TASS se Rusia po i pergjigjet vazhdimisht sulmeve ukrainase me goditje sistematike ne shkalle te gjere. Regjimi i Kievit po reziston. Por kjo nuk mund ta ndryshoje rrjedhen e ngjarjeve, tha Peskov, duke iu pergjigjur nje pyetjeje se si mund te pergjigjet Rusia ndaj sulmit te Kievit mbi Shen Petersburgun.

Bilanci i ri e rrit ndjeshem numrin e te plagosurve te raportuar me heret gjate dites per te njejtin sulm, ndersa autoritetet ruse vazhduan gjate se dieles operacionet e shuarjes se zjarreve ne objektet e goditura.