Blushi: Edi Rama po grabit mandatin e kryetarit të Partisë Socialiste

Deputeti i Partisë Socialiste, Ben Blushi tha se po shkohet në një kongres ku nuk zgjidhet kryetari i partisë. Sipas tij, Partia Socialiste ka 7 vjet që nuk bën zgjedhje. Pavarësisht kësaj, Blushi thotë se nuk do të tërhiqet nga gara, nëse do të ketë një të tillë.

Do të behën zgjedhje për kryetar organizate, për kryetar partie nëpër rrethe e bashki, për delegatët e rinj dhe për një asamble të re. I vetmi njeri që nuk do të zgjidhet, ai është kryetari aktual i Partisë Socialiste. Po shkojmë në një kongres ku nuk zgjidhet kryetari i partisë. Edi Rama sot nuk foli. Një njeri që pretendon se ka bërë kaq shumë reforma, si ajo territoriale, reforma në arsim, reforma ne pensione, në energji, përse ka frikë të zgjidhe.

Sipas rregullit në çdo 4 vjet, Partia Socialiste mblidhet për  të zgjedhur kryetarin. Ky është një mandat i grabitur, me të cilin nuk mund të pajtohem. Vendimi i tyre është absurd. Është njësoj, sikur ata të thonë, meqë kemi 94 vota në Kuvend, të vendosim që të mos zhvillohen zgjedhje elektorale në 2017.

Kjo nuk mund të bëhet, sepse ka rregulla. E njëjta gjë është edhe në Partinë Socialiste, ku ai nuk duhet të vendosë për të mos zhvilluar zgjedhje.  Ka një dokument,  që është statusi i Partisë Socialiste. Nuk do ketë asamble, sepse mjafton që ajo është bërë në korrik të vitit të kaluar.  Jam në garë, në qoftë se ka garë. Çdo kush që garon, duhet të marrë çmimin e tij, nëse ka garë të lirë. Kapriçoja e Ramës po kthehet në normë politike”, tha Blushi.