“Bombat” e Zaevit nuk sollën ndryshime

Publikimi i skandalit të përgjimeve në Maqedoni nuk dha asnjë rezultat për të ndryshuar gjendjen e pushtetit diktatorial të kryeministrit, Nikolla Gruevski. Edhe pse kaluan disa muaj, pushteti mbetet në kontroll të plot të VMRO-DPMNE-së ku në mesin e tyre edhe gjykatësit dhe prokurorët i takojnë kësaj partie.

 Matrialet e Zaevit nuk u procesuan në Prokurorinë Themelore në Shkup dhe me këtë kryeministri, Nikolla Gruevski dhe bashkëpunëtorët e vet në vend që të dënohen nga gjykata për keqpërdorimet e pushtetit, ato vazhdojnë të mbeten në postet kryesore të shtetit shkruan Zhurnal.

Ndryshe, mos ngritja e asnjë akuze ndaj kryeministrit dhe bashkëpunëtorëve të VMRO-DPMNE-së nga Prokuroria po shkakton dyshime në opinion se “bombat” jo vetëm që nuk ndryshuan asgjë, por me këtë dëshmohet se Brukseli dhe Uashingtoni nuk dëshiron të funksionoj shteti ligjor.

Megjithatë faktori ndërkombëtar luan me standarde të dyfishta, pasi nuk kërkon nga liderishqipi i Maqedonisë që çdo kush që është involvuar në krim dhe korrupsion menjëherë të jap dorëheqje dhe të jetë i kapshëm për organet e gjykatës.

Mirëpo mosndjekja penale e Gruevskit, Mijallkovit, Jankullovkës, Janakievskit tregohet qartë se eurokomesari, Johanes Han nuk është i vendosur që të bëj ndryshime rrënjësore në politikën e kryeministrit dhe partisë VMRO-DPMNE e cila e partizoi shtetin gjatë 9 viteve të fundit.

Brukseli vetëm mund të “ëndërroj” që t’i depolitizoj institucionet shtetërore në Maqedoni, pasi lejoi 9 vite që VMRO-DPMNE të mbush institucionet me militantët e partisë, madje edhe gjykatat dhe prokurorinë.