“Bradasheshi”, tre në pranga për hashash në Elbasan

Tre persona përfunduan në pranga pas një aksioni të sektorit kundër trafikut të lëndëve narkotike në rrethin e Elbasanit.

Aksioni i koduar me emrin “Bradasheshi”, u zhvillua në njësinë administrative më të njëjtin emër dhe përveç të ndaluarve u sekuestruan edhe 6 kilogramë lëndë narkotike hashash dhe automjeti me të cilën po transportohej.

Personat e ndaluar janë shtetasit Pëllumb Velija, 25 vjeç, banues në Mushqetë të Tiranës, Jemin Kaçuli, 55 vjeç, banor i fshatit Karakullak në Elbasan dhe Albian Çakalli, 23 vjeç, banues në Elbasan.

Policia njofton se këta  shtetas  u  arrestuan gjatë  ditës  së  djeshme  në  fshatin  Bradashesh,  pasi  gjatë  kontrollit  të  ushtruar  në  mjetin   tip  “Benz”  me  targa  TR 3221  U,  në  pronësi  të  shtetasit  Pëllumb  Velija,  grupi   hetimor  ka  gjetur    dhe  sekuestruar   6 kilogramë hashash.

Janë sekuestruar gjithashtu në cilësinë e provës materiale edhe 3 telefona celularë, që i kaluan Prokurorisë për hetime të mëtejshme.