Brazil, mesatarisht 6 persona në ditë vriten nga policia

Sipas një studimi policia e Brazilit në 5 vitet e fundit ka vrarë 11,197 persona.

Organizata e shoqërisë civile “Brazilian Forum on Public Safety” me qendër në San Paulo në një studim të kryer në shkallë vendi përgjatë viteve 2009-2013 ka konstatuar se policia e Brazilit në 5 vitet e fundit ka vrarë 11 197 persona. Kjo do të thotë se mesatarisht prej 6 persona në ditë vriten nga forcat e sigurisë, raporton AA.

Studimi gjithashtu ka tërhequr vëmendjen për numri e të vrarëve nga policia në SHBA, që për 30 vitet e fundit është 11 090 persona.

Në studim gjithashtu theksohet se 50 806 njerëz në vend vitin e kaluar kanë qenë viktima të vrasjeve dhe sipas kësaj i bie që çdo 10 minuta të vritet një person, ndërsa viktimat e vrasjeve mësohet të jenë personat me ngjyrë ku më shumë se gjysma e tyre janë të moshave 15-29 vjeç.