Bulqizë, mësuesi dhunon 12 nxënës; arrestohet 63-vjeçari

Një mësues në Ostren të Bulqizës ka dhunuar me mjete të forta 12 nxënës të klasës ku jepte mësim, raporton gazeta “Shqip”.

Ngjarja ka ndodhur në shkollën “Orzhanov”, ku mësuesi Adil Muça ka goditur nxënësit me drutë e sobës, duke plagosur rëndë 4 prej tyre.

Autoritetet lokale njoftojnë se nxënësit janë dërguar në spitalin e Bulqizës dhe se në momentin e aktit të dhunës, mësuesi kishte qenë në gjendje të dehur.

Kanë qenë prindërit e nxënësve që kanë denoncuar dhunën e ushtruar dhe ndaj 63-vjeçarit Muça është marrë masa për shkarkim të menjëhershëm nga puna dhe është arrestuar.

Mësohet se një prej nxënësve, një vajzë e mitur, paraqitet me shenja të theksuara dhune në kokë dhe po transportohet në spitalin e Dibrës.