Bushati: Procesi i Berlinit, urë mes Ballkanit Perëndimor dhe BE-së

Ministri i Punëve të Jashtme, Ditmir Bushati ka pasur sot një takim me gazetarë në Berlin, përpara Konferencës së Aspen-it.

Duke iu përgjigjur pyetjeve të gazetarëve, Ministri Bushati theksoi se, “procesi i Berlinit është një urë mes Ballkanit Perëndimor dhe BE-së”.

Çfarë është ‘procesi i Berlinit’

Ai që njihet tashmë si “Procesi i Berlinit” do të jetë edhe forma përmes së cilës do të mbahet ritmi integrues i Ballkanit.

Në kushtet e rritjes së forcave euroskeptike në Bruksel dhe një stopimi 5-vjeçar të zgjerimit deklaruar nga presidenti i Komisionit Jean Claude Juncker, procesi i hapur në Berlin shihet nga Tirana zyrtare, që ende nuk ka folur për afate për hapjen e negociatave, si rruga për ta mbajtur gjallë dialogun politik integrues të vendit.

Në konferencën e Berlinit në fund të muajit gusht, i është kërkuar BE-së një ndarje më e favorshme e fondeve të Bashkimit Europian për rajonin, duke marrë parasysh faktin se vetë vendet e BE-së marrin 5-6 herë më shumë para sesa vendet e rajonit, duke krijuar edhe hendekun e madh mes tyre