Bylykbashi: Rezoluta, për të mbrojtur shqiptarët nga ofendimi

Deputeti demokrat Oerd Bylykbashi, duke mbrojtur rezolutën e hartuar nga Partia Demokratike për medaljet, tha se në këtë mënyrë shqiptarët do të mbrohen “për të mos u ofenduar përsëri në akte të tilla të papranueshme”.

Ndërsa për ndryshimet ligjore të paraqitura nga maxhoranca, Bylykbashi tha se është një projektligj i bërë nga halli.

“Të sqarojmë diçka, maxhoranca e kishte detyrim me ligj që të bëjë verifikimet sipas ligjit. Dekoratat e medaljet jepen për vlerësime makimale karshi personave që kanë dhënë kontribut. Ligji parashikon instrumentat e verifikimit që kjo maxhorancë nuk e ka bërë, dhe nuk mundet tashmë të pretendojë që nëpërmjet një projektligji që e zuri halli, të shpëtojë nga ky turp. Parlamenti duhet t’i tregojë kufirin kësaj qeverie”, tha Bylykbashi në një prononcim për mediat.