Caitlin Clark nuk do të pezullohet pasi WNBA tërhoqi teknikalin e tetë

WNBA ka tërhequr teknikalin e tetë të sezonit ndaj Caitlin Clark, dhe për pasojë ylli i Indiana Fever nuk do të pezullohet për ndeshjen e radhës. Vendimi erdhi pas një apelimi nga skuadra pas incidentit në ndeshjen ndaj Chicago Sky të shtunën.

Sipas Bleacher Report, teknikali u shqiptu pasi Clark goditi një zyrtar teksa po dilte jashtë vijës së fushës pas një pasimi gjatë një sulmi nën kosh; trajnerja Stephanie White deklaroi për gazetarët se Fever apeloi menjëherë. White gjithashtu mori një teknikal për të kundërshtuar vendimin.

24-vjeçarja po zhvillon një sezon të fortë, mesatarisht 21.5 pikë dhe 8.0 asistime për ndeshje, me 44.1% nga fusha dhe 34.1% nga trepikëshat. Ajo përfundoi përballjen me Chicago me 26 pikë dhe 11 asistime, ndërsa shtatë teknikalet e saj mbeten numri më i lartë në WNBA këtë vit.

Me teknikalin e tërhequr, Clark nuk do të mungojë në përballjen ndaj New York Liberty të martën, siç njofton Bleacher Report.