City nuk tërhiqet, vazhdon të negociojë për të nënshkruar me mesfushorin që po shkëlqen në Premier

Manchester City, edhe pse nuk ka zyrtarizuar ende trajnerin e ri (pritet të jetë italiani Enzo Maresca), vazhdon të negociojë për të nënshkruar me mesfushorin e Nottingham Forest, Elliot Anderson.

Skuadra e “citizens” ka bërë një ofertë të parë për 23-vjeçarin, që është refuzuar nga Forest. Drejtuesit e klubit nuk kanë komentuar deklaratat se Forest ka rritur kërkesën për të lënë të lirë lojtarin.

“The Guardian” raporton se City-t i është thënë se shuma e ofruar nuk do të jetë e mjaftueshme për të marrë lojtarin, që prej 4 sezonesh po shkëlqen në Premier League, fillimisht me Newcastle e tani me Nottingham.

Ky transferim mund të thyejë atë të 125 milionë stërlinave që Liverpool pagoi vjet te Newcastle për Alexander Isak. Mediat britanike shtojnë se “citizens” mund të paguajnë një shumë të ngjashme për të siguruar mesfushorin anglez.