Conceiçao: CR7 është i shkëlqyer dhe një shembull për ne, por nuk jemi të detyruar t’i pasojmë gjithnjë

“E kemi thikën ndër dhëmbë, ndaj absolutisht duhet të fitojmë.” Pas debutimit të turpshëm të Portugalisë në Kupën e Botës (1-1 kundër Kongos), Francisco Conceicao po i jep energji ekipit të tij kombëtar përpara ndeshjes kundër Uzbekistanit.

Nga kampi stërvitor në Palm Beach, sulmuesi i Juventus theksoi në një konferencë për shtyp se ekipi kombëtar portugez nuk mund të lejojë të bëjë gabime. “Ata mbrohen thellë, me një mbrojtje me pesë lojtarë. Varet nga ne të krijojmë raste, të futemi në zonë dhe të gjuajmë“, shpjegoi ai.

“Nuk ka rëndësi sa shumë luaj, unë jam këtu për të ndihmuar ekipin kombëtar. Duam të shkojmë sa më larg të jetë e mundur. Kemi cilësinë për ta bërë këtë, por duhet ta provojmë në fushë. Nuk ka kuptim të shohim shumë larg nëse nuk fitojmë ndeshjet e grupit më parë. Dhe unë jam plotësisht i disponueshëm“, tha Conceiçao.

Më pas një batutë për Cristiano Ronaldo: “Kur bëhet fjalë për të shënuar, nuk ka askush si ai. Por unë ia kaloj topin kujtdo që është në pozicionin më të mirë; nuk jemi të detyruar ta kërkojmë. Ne bëjmë gjithçka instinktivisht; është çështje momentesh”.

“Cristiano është një shembull për karrierën që ka pasur dhe urinë që tregon çdo ditë. Nëse ai, i cili tashmë ka fituar kaq shumë, ende e ka këtë dëshirë, e jona duhet të jetë edhe më e madhe“, tha portugezi.