Danimarka tronditet nga një sulm i dytë pak orë pas të parit, 1 i vdekur, 2 policë të plagosur

Kryeqyteti danez tronditet sërish nga një sulm i dytë pak pas atij të parit gjatë një takimi mbi blasfeminë.

Një person i armatosur hapi zjarr në një sinagogë në Kopenhagen, duke lënë të vdekur një person dhe dy oficerë policie të plagosur.

Policia konfirmoi se viktima është një 55-vjeçar, ndërsa u shpreh se është ende herët për të kuptuar nëse sulmi kishte lidhje me atë të ndodhur në qendrën kulturore Krudttonden, në veri të Kopenhagen, ku u vra një person dhe u plagosën 3 policë.

Sulmi i dytë ndodhi në një rrugë në Krystalgade, me një distancë rreth 5 km nga sulmi i parë.

Forcat e policisë kanë nisur një kërkim masiv për të dyshuarin, ndërsa thanë se kanë plagosur një të dyshuar pranë stacionit të trenit në kryeqytet, por ai ka mundur të largohet.