DASH: Maqedonia respekton të drejtat dhe liritë fetare

Kushtetuta dhe ligjet e Republikës së Maqedonisë garantojnë liri të fesë dhe Qeveria në përgjithësi respekton të drejtat dhe liritë fetare, shkruan në raportin e vet Stejt Departamenti Amerikan i publikuar dje.

Në këtë raport është thënë se një pjesë e Bashkësive më të vogla fetare kanë vërejtje kah Kisha Ortodokse Maqedonase dhe Bashkësia Islame. Për KOM ka vërejtje se është e privilegjuar në lidhje me kthimin e pronësisë së marrë nga koha e komunizmit dhe marrjen e mjeteve për ndërtim të objekteve fetare.

Për BFI, vërejtja është rreth ndihmave shtetërore që të përmirësojë aplikacionet për nevojat për viza të nevojshme për haxh në Arabinë Saudite.

Në raport është vërejtur se Jovan Vranishkovski, themeluesi i Arqipeshkopisë së Ohrit, kishë e kontestuar në Maqedoni, por nga ana e Kishës ortodokse Serbe, në gusht të këtij viti bashkë me disa pasues ka qenë i dënuar për larje parash.

Ndërsa në shkurt, Gjykata supreme ka konfirmuar vendimin e gjyqit për Vranishkovskin për mashtrim. Në raportin e Stejt departamentit ka pasur vërejtje edhe për çështjen e Bashkësisë së bektashinjve në Maqedoni rreth Teqes Arabati Baba në Tetovë.

Në raportin vlerësohet se ajo që Bashkësia e bektashinjve ende nuk ka status të pranuar në Maqedoni pamundëson udhëheqjen e kontestit për Teqen në Tetovë.