David dhe Victoria Beckham nuk heqin dorë nga i biri, urimet e ndjera për ditëlindjen e Brooklyn në mes të krizës familjare

David dhe Victoria Beckham kanë uruar publikisht të birin e tyre, Brooklyn, për 27-vjetorin e tij, pavarësisht raportimeve se ai kishte kërkuar që prindërit të mos kontaktojnë me të në rrjetet sociale.

David Beckham, ish-kapiteni i Anglisë, postoi një fotografi nostalgjike ku ai, Brooklyn dhe Victoria shfaqen në një pishinë kur Brooklyn ishte ende fëmijë. Sipas tij, “27 sot. Gëzuar ditëlindjen, Bust. Të duam shumë x”, duke përdorur nofkën e tij të fëmijërisë, “Buster”.

Victoria Beckham ndau të njëjtën fotografi në Instagram Stories, duke shkruar: “Gëzuar ditëlindjen Brooklyn, të duam shumë,” me një zemër të kuqe. Në një postim tjetër, ajo publikoi një fotografi bardh e zi ku mban Brooklyn-in si foshnjë, duke shtuar: “Gëzuar 27-vjetorin Brooklyn. Të dua shumë,” së bashku me disa zemra.

Brooklyn nuk u etiketua në postime, ndoshta për shkak se ai ka bllokuar prindërit dhe disa anëtarë të tjerë të familjes në rrjetet sociale, përfshirë vëllezërit Romeo dhe Cruz.

Ky veprim vjen në mes të një konflikti familjar të vazhdueshëm. Në janar, Brooklyn publikoi një deklaratë ku akuzonte prindërit për kontroll të narrativës së tij publike dhe për prioritizimin e imazhit mbi autenticitetin. Ai pretendonte se prindërit po përpiqeshin “pashkëputur për të shkatërruar” marrëdhënien e tij me bashkëshorten Nicola Peltz Beckham dhe po shpërndanin “gënjeshtra të panumërta” për promovim publik.

Beckham-t kanë qëndruar të heshtur për situatën e familjes që nga akuzat e Brooklyn në rrjetet sociale.

/vizionplus.tv