Dëbohet agjenti i CIA, Merkel: S’keni gjë më të mirë se përgjimi i aleatëve?

Vendimi i Gjermanisë për të dëbuar përfaqësuesin e shërbimeve sekrete është përgjigjia e duhur, pas zbulimit se ky i fundit ishte rekrutuar nga CIA amerikane për të marrë informacione.

Kështu e ka cilësuar ministri i jashtëm gjerman, Frank Walter Steinmeier dëbimin e agjentit të dyfishtë.

“Ky vendim ishte i drejtë dhe i pashmangshëm. Ne kemi nevojë dhe presim një marrëdhënie të bazuar në besim”, u tha Steinmeier gazetarëve.

Steinmeier shtoi se për Gjermaninë ishte me rëndësi një partneritet i fortë transatlantik, duke patur parasysh edhe krizat ndërkombëtare, por ai me SHBA-në nuk kishte asnjë alternativë.

Ky skandal ka çuar në zemërimin e politikanëve gjermanë. Kancelarja Angela Merkel ka deklaruar se në luftën kundër terrorizmit ka gjëra më të rëndësishme se përgjimi i aleatëve.

“Me Shtetet e Bashkuara po shoh një ndryshim parimesh shmë më të madh, krahasuar me detyrat që kishin shërbimet sekrete pas Luftës së Ftohtë”, tha Merkel.

Sipas saj, mungesa e besimit tek aleatët ishte vetëm kur vendet ishin të ndara në divizione dhe të vendosura kundër njëra-tjetrës.

Ky është rasti i dyte i spiunazhit i përgjimit amerikan, i zbuluar në më pak se dy javë.