Deklarata e ambasadorit amerikan për Gjykatën Speciale “pushton” mediat serbe
Ambasadori i SHBA’së në Kosovë, Greg Delawie, ka planifikuar një takim urgjent me Presidentin e Kosovës Hashim Thaçi, jo shumë kohë pasi doli në pah e vërteta se parlamenti i Kosovës, me kërkesë të veteranëve të UÇK’së, do të ndryshojë në mënyrë drastike ligjin për Gjykatën Speciale për krimet e UÇK’së.
Mediat e Prishtinës raportojnë se Delawie reagoi ashpër ndaj kërkesës së veteranëve të UÇK’së për të ndryshuar vendimin mbi formimin e Gjykatës Speciale në parlament, veçanërisht pasi që iniciativa u mbështet nga Presidenti Hashim Thaçi, Kryeministri Ramush Haradinaj dhe Kryetari i Parlamentit Kadri Veseli.
Delawi paralajmëroi publikisht liderët shqiptarë të Kosovës se vendimi për anulimin e Gjykatës Speciale do të çonte në një “izolim global” të Kosovës, raporton “Vestinet”.
“Ideja për të ndryshuar Ligjin për Gjykatën Speciale mund të çojë në një izolim global të Kosovës. Mos e ktheni kohën prapa” – shkroi Delawi në Twitterin e tij.
Në thelb, veteranët e UÇK’së dyshohet se morën mbështetje të mjaftueshme parlamentare për të ndryshuar ligjin.
Edhe pse fillimisht ai mbështeti formimin e Gjykatës Speciale, Thaçi më pas, pas presionit të veteranëve të UÇK’së, ndryshoi qëndrimin e tij dhe deklaroi se gjyqet e ish-anëtarëve të formacionit të kryesuar prej tij do të ishin “pafajësi historike” .
Një gjykatë speciale nën patronazhin e Bashkimit Evropian u formua për të ndjekur penalisht rastet kundër anëtarëve të UÇK’së për krimet e kryera gjatë dhe pas luftës në Kosovë.
Hetimi i këtyre krimeve filloi pas raportit nga përfaqësuesi special i Këshillit të Evropës, Dick Marty.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.