Detajet, policia në aksion për të kapur të riun që theri dibranin 25 vjeçar
Policia e Dibrës ka dhënë disa detaje në lidhje me ngjarjen e rëndë të ndodhur këtë të dielë në Dibër, aty ku një 25 vjeçar u qëllua për vdekje dy herë me thikë, njëherë në këmbë e një herë në bark.
Policia njofton se ka identifikuar autorin e vrasjes së shtetasit I.Zogu, banues në Arras. Fjala është për 23 vjeçarin Aleksandër Balla, banues në fshatin Muhur. Autoritetet dyshojnë se ngjarja e rëndë ka ndodhur për shkak të një sherri banal. Postblloqe janë ngritur si dhe një sërë kontrollesh po kryen nga policia për të kapur të riun.
Njoftimi i policisë:
Si rezultat i veprimeve të shpejta hetimore është bërë e mundur zbardhja e vrasjes së shtetasit I. Z në njësinë administrative Arras.
Policia ka identifikuar autorin e dyshuar shtetasin Aleksandër Balla 23 vjeç , banues në fshatin Muhur.
Ende janë të paqarta rrethanat e ngjarjes por nga veprimet e para dyshohet se ngjarja ka ndodhur pas një konflikti të çastit.
Grupi hetimor po vijon punën për zbardhjen e rrethanave të ngjarjes.
Forca të shumta të Policisë po kryejnë kontrolle në ambjente, banesa e ne automjete për të bërë të mundur kapjen dhe arrestimin e autorit
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.