Deutche Bank: Rritja ekonomike 3.2 % në 2016; Shqipërisë i nevojiten reforma për rimëkëmbje ekonomike

Në një raport të fundit të Deutche Bank për Shqipërinë theksohen projeksionet për rritjen ekonomike, sipas të cilës këtë vit pritet që rritja të arrijë 3.2 %, në të njëjtën linjë me parashikimin e Bankës Botërore dhe më e ulët se institucione të tjera si BERZH, BMI Fitch që e parashikojnë 3.3%…

Sipas bankës, rritja do të mbështetet në zgjerimin e konsumit të brendshëm dhe investimeve si TAP dhe Hydropower Devoll. Rimëkëmbja ekonomike do të mbështetet nga lehtësimet monetare, theksojnë ekspertët e bankës. Ata paralajmërojnë se, ndonëse politikat monetare do të përpiqen që të sjellin inflacionin në objektivin e 3 %, ky objektiv mbetet u limituar edhe nga faktorë të jashtëm si rënia e çmimeve të naftës.

Banka thekson se perspektivat e rritjes janë të kufizuara nga mangësitë strukturore. Sipas raportit, korrupsioni i përhapur dhe klima e varfër e biznesit ndikojnë këtë risk, gjë që është e theksuar edhe në raportin e fundit të DoingBusiness.

Raporti thekson se Qeveria e qendrës së majtë e kryeministrit Edi Rama ka iniciuar disa ndryshime të vështira strukturore, por zgjedhjet parlamentare të planifikuara për në qershor 2017 mund “të minojnë” angazhimin e saj për reforma.

Borxhi publik ka arritur në 72% të PBB-së në 2014/15, por për shkak të përpjekjeve fiskale të qeverisë për t’u konsoliduar, raporti iDeutche thekson se pritet që të bjerë nga viti 2016 e tutje.

Raporti thekson semarrëveshja me FMN-në dhe marrja e statusit të vendit kandidat për integrimin në BE-në mund t’i sigurojë Shqipërisë “një spirancë” për reformat strukturore që ka nevojë. Megjithatë, një mosmarrëveshje për kufirit detar me Greqinë mund të bllokojë hapjen e negociatave për anëtarësim me BE-në, sipas tyre.