Diaspora në këmbë: shqiptarët protestojnë sonte në Ulm të Gjermanisë kundër aktgjykimit të Hagës
Bashkatdhetarët në Gjermani kërkojnë drejtësi për Thaçin, Veselin, Krasniqin dhe Selimin; sonte mbahet edhe nata e 11-të e protestës "Jo në emrin tim" në Prishtinë.
Sonte, më 26 shtator 2026, shqiptarët e diasporës në Ulm të Gjermanisë kanë dalë në protestë në shenjë pakënaqësie ndaj aktgjykimit të Gjykatës Speciale për ish-krerët e Ushtrisë Çlirimtare të Kosovës.
Protestuesit kërkojnë drejtësi dhe kundërshtojnë vendimin dënues ndaj Hashim Thaçit, Kadri Veselit, Jakup Krasniqit dhe Rexhep Selimit, të dënuar gjithsej me 81 vjet burgim. Kjo protestë është pjesë e valës së tubimeve në diasporë kundër vendimit të Hagës.
Sonte edhe në Prishtinë, prej orës 21:00, qytetarët pritet të mblidhen sërish në sheshin “Skënderbeu” për natën e 11-të radhazi, me moton “Jo në emrin tim”, në shenjë kundërshtimi ndaj aktgjykimit.
Më 16 shtator, Gjykata Speciale i dënoi në shkallën e parë: Hashim Thaçi me 25 vjet burgim, Jakup Krasniqi me 25 vjet, Kadri Veseli me 18 vjet dhe Rexhep Selimi me 13 vjet burgim.
Burimi: KosovaPress — https://kosovapress.com/diaspora-ne-kembe-shqiptaret-ne-ulm-kerkojne-drejtesi-per-clirimtaret
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.