Dorian Murati pritet të jetë kandidati i PS për bashkinë e Kavajës

Dorian Murati është kandidati që do të garojë për bashkinë e Kavajës nën siglën e Partisë Socialiste. Deri më tani, Murati mban pozicionin e kreut të ALUIZNI-t në këtë bashki.

Ndërkohë ende nuk ka emra nga Partia Demokratike, ndërkohë LSI do të përfaqësohet nga Makim Kona, kandidat i regjistruar tashmë në KQZ.

Zgjedhjet në Kavajë ishin programuar për në datën 7 maj, por kreu i PS-së, Edi Rama tërhoqi kandidatin, para se të arrinte marrëveshjen me Lulzim Bashën për zgjidhjen e krizës politike.