Draghi: BQE nuk ka mundësi pafund për të mbështetur zonën euro

Banka Qendrore Evropiane nuk ka mundësi pafund për të mbështetur zonën euro në prag të deflacionit, theksoi në një intervistë për shtypin gjerman, presidenti Mario Draghi.

“Të gjithë anëtarët e këshillit të qeverive janë të vendosur për të përmbushur mandatin e tyre. Sigurisht, ka mosmarrëveshje për mënyrën se si bëhet. Por kjo nuk është sikur mundësitë tona të ishin të pafundme”, deklaroi Draghi për të përjavshmen gjermane ”Die Zeit” publikuar sot.

“Ne gjendemi në një situatë ku duhet të ulim akoma më shumë normën e interesit, por kjo nuk është më e mundur”, theksoi italiani.

”Në këtë moment ne duhet të përdorim masa jokonvecionale, domethënë të modifikojmë madhësinë dhe përbërjen e bilancit të BQE-së”, shtoi ai.