“E-mages” / Ekspozita e parë personale e Helidon Gjergjit
Në Galerinë Kombëtare të Arteve , sot në mbrëmje ora 19.00, do të çelet ekspozita e quajtur “E-mages” e artistit të ri Helidon Gjergji, qe vjen si ekspozita e parë personale e artistit në GKA.
Projekti i artistit Gjergji për GKA konsiston sipas tij në një “Video-projeksion imazhesh të sjella nga Ketevan Geladze, nëna e Stalinit, “e cila” ka përzgjedhur disa fotografi prej albumeve të saja të familjes (me një sensibilitet të përshtatshëm për rrjetet sociale) dhe i ka ndërthurur në mënyrë elegante duke i shoqëruar edhe me një vals nga Shostakovitch (të orkestruar nga Andrea Rieu).”
Kjo video, e ideuar sipas artistit Gjergji si “një matrioshka (kukull) ruse hiper–reale”, projektohet fillimisht mbi një pasqyrë të thyer e më pas pasqyrohet e copëzuar në mur.
Helidon Gjergji ka lindur më 1970 dhe është diplomuar në Akademinë e Arteve, Tiranë, në vitin 1994, në Akademinë e Arteve të Bukura të Napolit në vitin 1996 dhe ka një Master për Artet Pamore nga Universiteti Northwestern në Çikago, SHBA.
Ekspozita do të qëndrojë e hapur deri më datë 24 gusht.




Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.